PALATNO фантазіруе, як бы выглядалі знакамітыя відэагульні, калі б яны былі пра Беларусь.
Far Cry: Прыпяцкія джунглі
Галоўны герой: Арцём Сокал, малады праграміст з Мінска
Месца дзеяння: Прыпяць
Сюжэт: Арцём са сваімі сябрамі адпраўляецца ў экстрым-тур у беларускае Палессе, дзе плануе адпачыць ад гарадской мітусні. Але ўсё ідзе не па плане: групу сяброў захоплівае лакальная бандыцкая арганізацыя, якая на Палессі займаецца кантрабандай. Арцём здолеў уцячы, цяпер ён павінен асвоіць дзікую прыроду, далучыцца да супраціву мясцовых жыхароў і вярнуць сваіх сяброў. Усё гэта — пад гукі жураўлёў, у затуманеных балотах і сярод смяротнай небяспекі.
GTA: Беларусь
Галоўны герой: Сяржук Кавалевіч, былы аўтаслесар з Барысава
Месца дзеяння: Мінск, Барысаў, Смалявічы
Сюжэт: Пасля некалькіх гадоў у Польшчы Сяржук вяртаецца дадому, у Барысаў. Але ягоны раён змяніўся: там цяпер пануюць гандляры наркотыкамі, карупцыянеры і здзелкі з сілавікамі. Сяржук вырашае аднавіць парадак.
ЧЫТАЙЦЕ ЯШЧЭ:
«Запусціў гульню — адсядзеў 15 сутак». Расказваем, якія камп’ютарныя гульні існуюць пра Беларусь
ВКЛ — гэта Вестэрос. Зараз дакажам
Вандруем па гісторыі сярэднявечнай Беларусі праз гульнявыя сусветы
HALO: Гомель-2177
Галоўны герой: капітан Ігнат Жылка
Месца дзеяння: будучыня, ля Гомеля, у тайнай ваеннай базе «Гомель-2177»
Сюжэт: У 2177 годзе іншапланецяне адкрываюць чарнобыльскую зону як уваход у старажытны тэхна-артэфакт. Спецыяльнае падраздзяленне на чале з Ігнатам Жылкам, адпраўляецца ў зону, каб прадухіліць інтэрвенцыю.
Assassin’s Creed: Віцебск
Галоўны герой: Мікола Аршанец, нашчадак старажытнага ордэна забойцаў
Месца дзеяння: Віцебск, Полацк, Мінск у XVI стагоддзі
Сюжэт: Падчас Рэфармацыі ў ВКЛ магутны ордэн спрабуе ўсталяваць кантроль над Княствам. Мікола, звычайны пісар пры віцебскім манастыры, адкрывае, што з’яўляецца нашчадкам ордэна асасінаў. Ён пачынае змагацца супраць ордэна, раскрывае сакрэты, схаваныя ў Сафійскім саборы і іншых гістарычных мясцінах Беларусі.