Каго мы страцілі ў 2024 годзе

PALATNO успамінае, хто памёр у 2024 годзе.

Артысты і людзі культуры

1 студзеня памерла майстрыха аўтарскай лялькі Ірына Ражко. Яна была выкладчыцай, удзельнічала ў шматлікіх выставах, яе лялькі знаходзіцца ў калекцыянераў многіх краін.
4 студзеня памёр пісьменнік і краязнаўца Яўген Гучок. Гучок нарадзіўся ў Слуцку ў 1940 годзе. Удзельнічаў у арганізацыі грамадскага аб’яднання «Таварыства беларускай мовы імя Францішка Скарыны», а таксама Беларускага народнага фронту «Адраджэнне». Першыя вершы Гучка былі надрукаваныя яшчэ ў 1959 годзе.
15 студзеня памёр беларускі фатограф Уладзімір Парфянок. Парфянок нарадзіўся ў 1957 годзе ў Мінск. Пачаў друкавацца ў 1981 годзе.
21 студзеня памёр паэт Міхаіл Ганчароў.
24 студзеня памёр архітэктар Яраслаў Ліневіч ва ўзросце 92 гадоў.
29 студзеня стала вядома, што загінуў на пажары музыка полацкага гурту «Мясцовы час» Валерый Драко.
7 лютага памерла артыстка Магілёўскага абласнога тэатра драмы і камедыі Алена Сафронава. Сафронавай быў 71 год.
12 лютага памёр маладзечанскі настаўнік і паэт Лявон Цімохін.
20 лютага памёр сцэнарыст Канстанцін Вераб’ёў.
2 сакавіка памёр скульптар Ігар Голубеў.
4 сакавіка памёр акцёр Дзмітрый Малашчыцкі. Яму было 45 гадоў.
8 сакавіка памёр балетмэйстар Веніямін Захараў. Яму было 55 гадоў.
15 сакавіка памёр графік і дызайнер Усевалад Свентахоўскі. Яму было 58 гадоў.
5 красавіка памёр пісьменнік Мікола Маляўка. Яму было 82 гады.
14 красавіка памёр мастак Мікола Крукаў. Яму было 64 гады.
22 красавіка памёр спевак і артыст тэатру Лявон Габрусёнак. Яму было 69 гадоў.
24 красавіка памёр пісьменнік Алесь Клышка. Клышка таксама быў кандыдатам тэхнічных навук і вынаходнікам, меў 13 патэнтаў на вынаходніцтва ў галіне экалагічна чыстых тэхналогій і аховы навакольнага асяроддзя. Яму было 76 гадоў.
25 красавіка памёр архітэктар, рэстаратар і краязнаўца Мікалай Уласюк. Яму было 65 гадоў.
6 мая памёр баранавіцкі музыка і кампазітар Юрый Вальмус. Яму было 52 гады.
7 мая памёр мастак і музыка Васіль Пачыцкі. Яму было 57 гадоў.
20 чэрвеня памёр кампазітар, удзельнік «Сяброў» Мікалай Сацура. Яму было 72 гады.
1 ліпеня памёр мастак Леанід Дзягілеў. Яму было 83 гады.
1 ліпеня памёр валожынскі краязнаўца Павел Арлоўскі. Яму быў 31 год.
15 ліпеня памёр беларускі кампазітар Леанід Гуцін. Яму было 76 гадоў.
15 ліпеня памёр мастак Валерый Чайка. Ён быў знакаміты тым, што афармляў мінскае метро. Яму было 73 гады.
16 ліпеня памёр вядомы беларускі дыджэй Ігар Гіпс.
10 жніўня памёр пінскі краязнаўца Эдуард Злобін. Яму было 52 гады.
31 жніўня памёр акцёр Георгій Маляўскі. Доўгія гады працаваў у Купалаўскім тэатры, пакінуў трупу ў 2020 годзе. Маляўскаму было 77 гадоў.
9 верасня памёр беларускі рэпер Ягор Марозаў, якога ведалі пад псеўданімам Эміа Афішл. Яму было 34 гады.
17 верасня памёр карыкатурыст Алег Папоў. Папоў працаваў у часопісах «Вожык», «Народнай газеце». Яму было 69 гадоў.
23 верасня памёр беларускі панк-рокер Віктар Жаркевіч. Жаркевічу быў 51 год.
30 верасня памёр мінскі фотамастак Аляксей Труфанаў. Ён быў адным са стваральнікаў і ўдзельнікаў творчай суполкі META.
8 кастрычніка памёр мастак і скульптар Уладзімір Церабун. Яму было 77 гадоў.
18 кастрычніка памёр мастак Віктар Лук’янаў. Яму было 84 гады.
20 кастрычніка памёр паэт Мікола Трафімчук. Яму было 74 гады.
26 кастрычніка памёр кампазітар і харавы дырыжор Алег Елісеенкаў. Яму было 66 гадоў.
28 кастрычніка памёр харэограф і стваральнік Народнага ансамблю танца «Вянок» Мікалай Окаракаў. Яму было 78 гадоў.
1 лістапада памёр паэт і кампазітар Алег Жукаў. Яму было 87 гадоў.
24 лістапада памёр віцебскі мастак Аляксандр Слепаў. Яму было 74 гады.

Журналісты

25 лютага памёр журналіст і рэдактар «Беларусы і рынак» Андрэй Аляксандровіч. З другой паловы 2023 года знаходзіўся ў вымушанай эміграцыі. Яму было 49 гадоў.
1 ліпеня памёр журналіст Яўген Агурцоў-Кржыжаноўскі.
6 ліпеня памёр журналіст і пісьменнік Віталь Каракорскі. Ён нарадзіўся ў Бабруйску ў 1958 годзе, працаваў у шматлікіх выданнях.
5 лістапада памёр журналіст Вадзім Доўнар. Яму было 48 гадоў, апошнія гады цяжка хварэў.
5 снежня ў Барысаве памёр журналіст Алесь Мікалайчанка. Яму было 79 гадоў.

Палітзняволеныя

9 студзеня ў турме памёр палітвязень Вадзім Храсько. Храсько асудзілі за фінансаванне экстрэмісцкай дзейнасці ў красавіку 2023 года. Афіцыйнай прычынай смерці сілавікі назвалі пнеўманію.
20 лютага ў турме памёр палітвязень Ігар Леднік. Яму было 63 гады. Ледніка затрымалі ўвесну 2022 года і асудзілі за паклёп на Лукашэнку.
26 сакавіка памёр былы палітзняволены Уладзімір Сяргееў. Сяргееў далучыўся да дэмакратычнага руху ў 2006 годзе. Яму было 37 гадоў.
10 красавіка ў следчым ізалятары Брэста памёр Аляксандр Кулініч. Яго затрымалі ў пачатку 2024-га па абвінавачванні ў абразе Лукашэнкі. Сцвярджаецца, што ў Кулініча былі праблемы з сэрцам. Яго пахавалі ў родным Маладзечне.
28 ліпеня памёр былы палітвязень Генадзь Боршч. Падчас смерці адбываў пакаранне на дамашняй «хіміі». Яму было 65 гадоў.
11 кастрычніка ў калоніі памёр палітвязень Дзмітрый Шлетгаўэр. Летам яго асудзілі да 12 гадоў турмы за «шпіянаж». У калоніі ён прабыў не больш за месяц. Яму было 22 гады.

Навукоўцы

11 студзеня памёр былы галоўны доктар Гродзенскай абласной бальніцы Святаслаў Савіцкі. Ён быў аўтарам дзясяткаў навуковых артыкулаў, пісаў манаграфіі, быў аўтарам аднаго вынаходніцтва. Доктару было 60 гадоў.
12 красавіка памёр навуковец Уладзімір Кульчыцкі. Кульчыцкі быў даследчыкам у галіне эксперыментальнай і клінічнай нейрафізіялогіі, акадэмікам, доктарам медыцынскіх навук, загадчыкам цэнтра мозгу ў Інстытуце фізіялогіі Акадэміі навук Беларусі. Яму было 76 гадоў.
2 мая памёр доктар медыцынскіх навук Анатоль Маўрычаў. Маўрычаў быў аўтарам больш за 300 навуковых прац, 4 манаграфій. Яму было 75 гадоў.
10 чэрвеня ў Бабруйску загінуў доктар-анколаг Сяргей Нікіцін. Яму было 52 гады.
12 чэрвеня памёр беларускі псіхолаг і выкладчык Аляксандр Прудзіла. Прудзіла з’яўляецца аўтарам 52 навуковых прац, ён займаўся пытаннямі псіхалогіі працы і этнапсіхалогіі. Яму было 67 гадоў.
14 кастрычніка памёр доктар гістарычных навук Уладзімір Тугай. Даследаваў гісторыю нацыянальных меншасцяў Беларусі. Яму было 73 гады.
19 кастрычніка памёр мовазнаўца Генадзь Цыхун. Яму было 87 гадоў.
28 кастрычніка памёр гісторык Фёдар Чарняўскі. Ён займаўся даследаваннямі шляхецкай генеалогіі ВКЛ і Рэчы Паспалітай. Яму было 84 гады.
3 лістапада памёр доктар філалагічных навук і пісьменнік Уладзімір Гніламёдаў. Яму было 86 гадоў.
8 лістапада памёр літаратуразнаўца Іван Чарот. Яму было 72 гады.
16 лістапада памёр навуковец Міхаіл Ерамец. Ерамец нарадзіўся ў Пінску, пасля пераехаў у Германію. Працаваў у галіне фізікі высокіх ціскаў і звышправоднасці. Яму 74 гады.
4 лістапада памёр доктар біялагічных навук Віктар Парфёнаў. Яму было 90 гадоў.

Святары

21 лютага памёр ксёндз Ян Гавэцкі. Яму было 63 гады. У апошні час Гавэцкі быў адміністратарам парафіі Маці Божай Шкаплернай у Прывалках.
22 мая памёр ксёндз Рышард Якубец з Мастоўскага раёна. Яму было 63 гады.
10 жніўня памёр ксёндз з Мядзельшчыны Уладзіслаў Шышла. Яму было 57 гадоў.
25 верасня памёр ксёндз Рышард Пэрчак з Лідчыны. Яму было 64 гады.
25 верасня памёр першы муфтый Беларусі Ісмаіл Аляксандровіч. Яму было 95 гадоў.
1 лістапада памёр ксёндз з Астраўца Андрэй Горбач. Яму было 50 гадоў.

Палітыкі, грамадскія дзеячы, праваабаронцы, актывісты

10 студзеня памёр грамадскі дзеяч Кастусь Верабей. Верабей нарадзіўся ў 1931 годзе ў Баранавіцкім раёне. Пасля Другой сусветнай вайны выехаў разам з бацькамі ў Германію, потым і ў ЗША.
19 студзеня памёр адзін з дзеячаў Свабоднага прафсаюза металістаў Аляксандр Еўдакімчык. Пасля 2020 года яго неаднаразова затрымлівалі сілавікі. Памёр пасля працяглай хваробы ў 68 гадоў.
28 студзеня памёр былы дэпутат Вярхоўнага савета Мікалай Аксаміт. Ён удзельнічаў у распрацоўцы Дэкларацыі аб дзяржаўным суверэнітэце, галасаваў за абвяшчэнне незалежнасці Беларусі. У 1995 годзе ўдзельнічаў у галадоўцы дэпутатаў супраць ініцыяванага Лукашэнкам рэферэндуму, які меў на мэце скасаваць статус беларускай мовы як адзінай дзяржаўнай, бел-чырвона-белага сцягу і гербу «Пагоні» як дзяржаўных.
28 студзеня памёр член ліквідаванай уладамі Беларускай сацыял-дэмакратычнай партыі Віталь Рудкоўскі. Яму было 64 гады.
30 студзеня памёр адзіны рабочы гродзенскай тытунёвай фабрыкі, які пайшоў у стачку ў 2020 годзе, Аляксандр Куваннікаў. Пасля пераследу сілавіку пераехаў з сям’ёй у Польшчу, у Куваннікава засталася жонка і чацвёра дзяцей.
10 лютага памёр член Беларускай сацыял-дэмакратычнай партыі Андрэй Бусень. Яму было 44 гады.
26 лютага памёр былы дэпутат Вярхоўнага савета Мікалай Лабко. Напрыканцы 1980-х кіраваў Баранавічамі, затым абраўся ў Вярхоўны савет.
15 сакавіка памерла віцебская актывістка Алена Фаміна. Неаднаразова балатавалася ў дэпутаты, удзельнічала ў многіх ініцыятывах. Ёй было 62 гады.
29 сакавіка памерла актывістка Лета Юстыновіч. Ёй было 85 гадоў.
17 мая памёр праваабаронца Алег Міхей.
28 чэрвеня памёр віцебскі праваабаронца Леанід Свецік. З-за рэпрэсій ён быў вымушаны з’ехаць у эміграцыю. Яму было 60 гадоў.
25 ліпеня памёр гомельскі актывіст Дзмітрый Гарэлька. Пасля 2020 года жыў у эміграцыі. Яму было 42 гады.
15 жніўня памёр вядомы дзеяч беларускага левага руху Сяргей Калякін. Яму было 72 гады.
8 кастрычніка памёр віцебскі актывіст Аляксей Тамілаў. Яму было 52 гады.
24 лістапада памёр пінскі гактывіст і настаўнік Рыгор Бурван. Яму было 84 гады.
11 снежня загінула пінская актывістка Святлана Круцікава. Ёй было 60 гадоў.

Спартсмены

3 студзеня памёр футбаліст Алег Малчанаў. Малчанаў выступаў за «Нафтан», «Полацк» і «Асіповічы».
12 лютага памёр былы трэнер зборнай Беларусі па баскетболе Міхаіл Фейман. Яму было 73 гады.
19 сакавіка ў Маямі загінуў беларускі хакеіст Канстанцін Кальцоў. Спартсмену было 42 гады.
26 сакавіка памерла баксёрка Алеся Граф. Яна нарадзілася ў Гомелі, пераехала ў Германію напрыканцы 1990-х і атрымала там грамадзянства. Граф было 43 гады.
24 чэрвеня памёр футбаліст Анатоль Какшараў. Футбаліст выступаў за «Славію». Яму было 42 гады.
16 ліпеня памёр вядомы беларускі галкіпер і трэнер Міхаіл Вергеенка. Яму было 74 гады.
2 верасня памёр беларускі спартсмен Аляксандр Мядзведзь. Мядзведзь тройчы браў алімпійскае золата. Яму было 86 гадоў.
11 верасня памёр беларускі бодзібілдар Ілля Ефімчук. Яму было 36 гадоў.
22 верасня загінуў хакеіст Валерый Дычук. Яму было 17 гадоў.
23 верасня памёр футбаліст Фёдар Паланейчык. Ён выступаў за юнацкія каманды ў Мінску. Яму было 18 гадоў.
29 кастрычніка памёр кіраўнік федэрацыі хаея на траве і былы хакеіст Аляксандр Якіменка. Яму было 57 гадоў.
4 снежня памёр беларускі баскетбаліст Андрэй Мастоў. Яму было 50 гадоў.

Чыноўнікі

23 студзеня памёр былы Герой Сацыялістычнай Працы і старшыня калгаса імя Ламаносава Генрых Траццяк. Пасля выхаду на пенсію Траццяк узяўся адраджаць сядзібу Бохвіцаў у Ляхавіцкім раёне.
5 лютага памёр былы гендырэктар Нацыянальнага аэрапорта Дзмітрый Мелікян.
13 лютага памёр былы гендырэктар МАЗ Аляксандр Бароўскі.
13 мая ў 54 гады памёр памочнік Лукашэнкі па Мінскай вобласці Уладзімір Калач.
24 чэрвеня загінуў былы пасол Беларусі ў Германіі Дзяніс Сідарэнка. Яму было 48 гадоў.
1 ліпеня памёр Герой Беларусі і кіраўнік калгаса з Гродзеншчыны Васіль Равяка. Яму было 75 гадоў.
17 ліпеня памёр былы чыноўнік Мікалай Дамашкевіч. Быў дэпутатам Вярхоўнага савета, потым увайшоў у чыноўніцкія структуры Лукашэнкі. Яму было 74 гады.
2 кастрычніка памёр былы дыпламат Аляксандр Рухля.
18 кастрычніка памёр былы гендырэктар Нацыянальнага аэрапорта Вячаслаў Хараненка. Яму было 60 гадоў.

Замежнікі

8 студзеня памёр стваральнік мовы Pascal Ніклаўс Вірт.
16 лютага памёр расійскі апазіцыйны палітык Аляксей Навальны.
18 жніўня памёр французскі акцёр Ален Дэлон.
10 верасня памёр акцёр Джэймс Эрл Джонс, які стаў вядомы па агучцы Дарта Вэйдара ў «Зорных войнах». Яму было 93 гады.