Шпіёнскія серыялы: падборка для вашых выхадных

серыялы пра гдр, серыялы пра шпіёнаў, шпіёнскія серыялы

Як жывуць шпіёны? Чаго баяцца і для чаго працуюць на небяспечных місіях? Спрабуем падглядзець за шпіёнскім жыццём праз пяць міні-серыялаў: ад чыста брытанскіх кінастужак да шпіёнскіх драм часоў араба-ізраільскай вайны і падзення Берлінскай сцяны.

PALATNO расказвае пра лепшыя шпіёнскія серыялы, якімі можна заняць вашы выхадныя.

‎«‎Лонданскі шпіён» (London Spy)

серыял лонданскі шпіён, серыялы пра шпіёнаў, серыялы пра шпіянаж
Кадр з серыяла «Лонданскі шпіён‎»‎.

Год: 2015‎

«‎Лонданскі шпіён» з’яўляецца брытанскім міні-серыялам, у ім усяго пяць серый. Таму ідэальна падыдзе для прагляду ў выхадныя.‎

Галоўны герой, Дэні Эдвардс (ролю выконвае Бэн Уішоў), жыве звычайным жыццём у Лондане. Усё змяняецца, калі ён знаёміцца з Алексам, паміж імі ўзнікаюць пачуцці. Дэні лічыць, што Алекс — яго сапраўднае каханне. Аднак раптоўна Алекс знікае, а Дэні даведваецца, што яго каханы не проста геніяльны матэматык, а сакрэтны агент выведкі. Смерць Алекса называюць самагубствам, але Дэні не верыць у гэта і пачынае ўласнае расследаванне.

Каму спадабаецца?

  • тым, хто любіць разумныя шпіёнскія трылеры без банальных экш-сцэн;
  • аматарам псіхалагічных дэтэктываў і гісторый пра змовы;
  • тым, хто цэніць моцныя драмы з глыбока прапрацаванымі персанажамі.

‎«‎Начны адміністратар» (The Night Manager)

серыял начны адміністратар, серыялы пра гандаль зброяй, серыялы пра шпіёнаў, серыял пра шпіянаж
Кадр з серыяла «‎Начны адміністратар»‎.

Год: 2016

Галоўны герой у «‎Начным адміністратары» — Джонатан Пайн (выконвае Том Хідлстан). Пайн — ваенны ветэран, які працуе начным адміністратарам у раскошнай гасцініцы ў Каіры. Аднойчы ён атрымлівае сакрэтныя дакументы, у якіх выкрываецца схема нелегальнага гандлю зброяй. Жанчыну, якая аддала дакументы Пайну, ‎знаходзяць мёртвай, і галоўны герой разумее, што за гэтым забойствам стаіць магутны і ўплывовы Рычард Ропер (у выкананні Х’ю Лоры). Праз некалькі гадоў у Джонатана будзе шанец, каб адпомсціць Роперу за забойства.

Каму спадабаецца?

  • аматарам элегантных і напружаных шпіёнскіх трылераў;
  • тым, хто любіць складаныя сюжэты пра падвойнае жыццё і аперацыі пад прыкрыццём;
  • фанатам Джэймса Бонда, бо Том Хідлстан тут выглядае, як ідэальны агент 007.

«Шпіён‎» (The Spy)‎

серыял шпіён, серыялы пра шпіянаж
Кадр з серыяла «‎Шпіён».‎

Год: 2019

Серыял заснаваны на рэальных падзеях, у ім расказваецца гісторыя ізраільскага агента Элі Коэна (ролю выконвае Саша Барон Коэн).

Элі з’яўляецца супрацоўнікам ізраільскай разведкі Масад, які ў 1960-я гады змог увайсці ў вышэйшыя колы сірыйскага ўрада. Ён выдаваў сябе за багатага бізнесмена і ўвайшоў у давер да сірыйскіх генералаў і палітыкаў. Так ён змог атрымліваць сакрэтную інфармацыю для ізраільскага ўрада. Але чым вышэй падымаецца Элі, тым больш верагоднасці, што ён можа сябе выдаць.

Каму спадабаецца?

  • аматарам шпіёнскіх трылераў на рэальных падзеях;
  • тым, хто любіць напружаныя драмы;
  • людзям, якія цікавяцца гісторыяй выведкі і халоднай вайной.

«‎Здрада» (Treason)

серыял здрада, серыялы нэтфлікс, серыялы пра шпіёнаў
Кадр з серыяла «Здрада‎».‎

Год: 2022

Перспектыўны супрацоўнік MI6 Адам Лоўрэнс асабліва нічога не чакае ад кар’еры, але пасля нечаканага атручвання кіраўніка брытанскай разведкі яго прызначаюць новым кіраўніком MI6. Затым у яго жыцці з’яўляецца загадкавая жанчына Карына, якая працуе на расійскую выведку. Адаму даводзіцца змагацца адначасова з асабістымі дылемамі і вонкавымі пагрозамі.

Каму спадабаецца?

  • аматарам напружаных шпіёнскіх трылераў;
  • тым, хто любіць дэтэктыўныя гісторыі з палітычнымі інтрыгамі.

‎«‎Клеа» (Kleo)

серыял клеа, нямецкія серыял, серыялы пра шпіёнаў, серыялы пра шпіянаж, серыялы пра германію
Кадр з серыяла «‎Клеа».‎

Год: 2022

Галоўная гераіня Клеа Штраўбэ працуе на ўсходненямецкую выведку. Яна бездакорна выконвае місіі і не задае лішніх пытанняў. Аднойчы яе арыштоўваюць і адпраўляюць у турму па сфабрыкаваных абвінавачваннях. Праз некалькі гадоў Берлінская сцяна падае, Клеа вызваляецца і пачынае шукаць адказы: хто яе здаў і чаму?

Каму спадабаецца?

  • тым, хто любіць помсту ў стылі Таранціна і харызматычных жаночых персанажаў;
  • аматарам шпіёнскіх серыялаў пра халодную вайну;
  • тым, хто любіць стыльныя трылеры з элементамі чорнай камедыі.

ЧЫТАЙЦЕ ЯШЧЭ:

75 гадоў Германію падзялілі на дзве часткі — ФРГ і ГДР

Праўда пасярэдзіне. Як немцы глядзелі тэлевізар у эпоху падзеленай Германіі

«Штазі» — мастацтва «раскладаць» мазгі. Чым падобны Мінск 2020-га да Усходняга Берліна 1980-х 


Вярнуцца ўгару